Coñecemos por Marea ao movemento periódico e alternativo de ascenso e descenso do nivel do mar, producido polas accións atractivas do Sol, a Lúa e demais corpos astrales, que se repite cada 12 horas 24 minutos. A súa intensidade esta en íntima relación coas posicións relativas que o Sol e a Lúa teñen respecto da terra.
A Lúa atrae a auga que está máis próxima a ela. Así, a parte do océano que está de cara, bombéase cara a ela. Ao mesmo tempo, no lado oposto da
Terra a auga bombéase en sentido contrario pola inercia. A Lúa
atrae a toda a Terra, non só á auga. O que pasa é que a terra é ríxida e
non se bombea. A inercia resístese á gravidade e tira en sentido
contrario. Por iso o océano do outro lado da Terra tamén se bombea,
aínda que menos
Cando o nivel esta en un dos máximos de altura, dise que a marea esta chea ou que é pleamar, e cando esta en un dos mínimos, que a marea esta baixa ou que é baixamar.
O Sol tamén atrae a auga dos océanos, pero en menor medida que a Lúa. Aínda que a súa gravidade é maior, ao estar máis lonxe, inflúe menos. O Sol produce mareas máis débiles.
Nas fases crecente e menguante, as mareas son máis pequenas e chámanse mareas mortas. En cambio, cando hai Lúa nova e chea, o Sol, a Lúa e a Terra alíñanse e as mareas son maiores. Chámanse mareas vivas. As mareas máis intensas prodúcense en Lúa nova, xa que a gravidade da Lúa e do Sol tiran na mesma dirección e súmanse.
A Lúa controla sempre a hora da marea alta e da marea baixa, mentres que o Sol modifica o grao de ascenso ou de descenso do nivel da auga considerablemente en diferentes épocas do mes.
Por que no Mediterráneo non hai mareas?
No Mediterráneo as mareas son practicamente inapreciables, iso débese, a que é un mar pechado cunha única entrada a través do Estreito de Xibraltar.
Este paso tan pequeno, é incapaz de absorber a gran cantidade de litros de auga do Océano Atlántico, que ten unha profundidade media de 4.000 m e que por tanto, este gran volume de augas quedan retidas no estreito, actuando como unha billa que pecha o fluxo e crea unha forte corrente de entrada de millóns de metros cúbicos de auga pero incapaces de encher o Mediterráneo ao non haber a velocidade suficiente para o tempo que dura o ciclo da marea. Durante a vaciante, pasa o contrario e no Estreito xérase unha forte corrente de saída cara ao Atlántico.
Exemplos:
